ಗೀಚುಗನ ಗೂಡು

ಒಂದು ಪೆನ್ಸಿಲ್ ಸ್ಕೆಚ್ ಮತ್ತು ಅದರ ಡಿಜಿಟಲ್ ಸ್ಥಿತ್ಯಂತರಗಳು ೧. ಮೂಲ ಸ್ಕೆಚ್ ೨. ರಾತ್ರಿಯ ಬೇಟೆ! ೩. ಮತ್ತೊಂದು ರೂಪಾಂತರ ೪. ಬಣ್ಣದ ವೇಷ!

26.1.10 Eclips viewed from Halady

ಅಮೂಲ್ಯ : ಕಟ್ಟಲಾರದಷ್ಟು ಬೆಲೆಯುಳ್ಳದ್ದು, ಬೆಲೆ ಕಟ್ಟಲಾಗದ್ದು, ಇವುಗಳನ್ನು ಸಾಧಾರಣವಾಗೆ ಯಾರೂ ಸುಮ್ಮನೆ ಮಾರಲು ಹೋಗುವುದಿಲ್ಲ. ಆಸೆಯಿಂದ ತಮ್ಮಬಳಿಯಿಟ್ಟುಕೊಂಡು ಮೆರೆದಾಡಿ ಕೊನೆಗೆ ಬೆಲೆ ಕಟ್ಟಲಾಗದೇ ಹೋಗುತ್ತಾರೆ. ಒಮ್ಮೊಮ್ಮೆ ಕಳ್ಳ ಕಾಕರರ ಕಣ್ಣಿಗೆ ತುತ್ತಾಗಿ ಅದೇ ಆಸೆಗೆ ಅದರದ್ದಲ್ಲದ ಬೆಲೆತೆರುತ್ತಾರೆ. ಒಮ್ಮೊಮ್ಮೆ ಕಷ್ಟ ಕಾಲದಲ್ಲಿ ಬೆಲೆ ನಿರ್ಧರಿಸಲಾರದೆ ಮಾರಿಯೂ ಯಾಮಾರುತ್ತರೆ! ಮತ್ತೆ ಅದೇ ಕೊರಗಿನಲ್ಲಿ ಕೊನೆಯಾಗುತ್ತಾರೆ! ಅಮೌಲ್ಯ: ಬೆಲೆಯೇ ಇಲ್ಲದ್ದು, ನಿಕೃಷ್ಟವಾದದ್ದು, ಇಂಥವುಗಳಿಂದ ದೂರವಿರಲು ಅಥವಾ ಇಂಥವುಗಳನ್ನು ದೂರವಿಡಲು ವಿಪರೀತ ಖರ್ಚುಮಾಡುವ ಜನರಿದ್ದಾರೆ! ಯಾರಾದರೂ ಇವುಗಳಿಗೆ ಬೆಲೆಕಟ್ಟಲು ಬಂದರೆ ಅವರೂ ಅಮೌಲ್ಯರೆ! ಕೆಲವೊಮ್ಮೆ ಹೀಗೂ ಆಗುತ್ತದೆ: ಅನಿಷ್ಟದ ಕಲ್ಲೆಂದು ಜೋಯಿಸರ ಮಾತಿನಂತೆ ತಿಳಿದು ಸಾವಿರಾರು ಮೈಲಿಯಷ್ಟು ದೂರದ ಕಾಶಿಗೆ ಹೋಗಿ ನದಿಗೆಸೆದ ಮೇಲೂ ಗೌಡರು ಯಾರೋ ಹೇಳಿದರೆಂದು ಮತ್ತೆ ಆ ವಜ್ರವನ್ನು ಹುಡುಕಲು ಹೋಗಬಾರದಿತ್ತು! ಲೇಬಲ್ ಇಲ್ಲದೆ ಭಗವಂತ ಸೃಷ್ಟಿಸುತ್ತಾನೆ!... ಬೆಲೆಕಟ್ಟುವ ಆಯ್ಕೆ ನಮ್ಮ ಕೈಯಲ್ಲಿದೆ...

ರಥ ಎಳೆಯುತ್ತೇನೆಂದು ಹಮ್ಮಿಂದ ಹೋಗಿ ಮಿಳ್ಳೆಗೆ ಕೈ ಹಾಕಿದ್ದಷ್ಟೇ ದಿಟ. ಬಹುಷ: ಯಾರಿಗೂ ರಥವನ್ನು ಎಳೆದ ಅನುಭವ ಆಗಿರಲಿಕ್ಕಿಲ್ಲ. ರಥ ನಾವೆಲ್ಲ ಅಂದುಕೊಂಡಂತೆ ತನ್ನ ಗಮ್ಯ ಸೇರಿತು. ಉಳಿದದ್ದು ಕೈ ಹಾಕಿದ ಧನ್ಯತೆ ಮತ್ತು ಅಳಿದದ್ದು ಹಮ್ಮು ಮಾತ್ರ! ಈ ಬದುಕೂ ಹಾಗೆ! ಒಂದು ಆಶಾಭಾವ -ಒಂದು ಉತ್ಸಾಹ-ಸಾಧ್ಯವಾದಷ್ಟು ಒಳ್ಳೆಯ ಮನಸ್ಸು ಮತ್ತು ರುಚಿಗೆ ತಕ್ಕಷ್ಟು ಹಮ್ಮಿಂದ ಬರಿದೆ ಜಗ್ಗಬೇಕಾದ ಒಂದು ಬ್ರಹ್ಮರಥವಷ್ಟೆ!

ನಾವಿಂದು ತುಂಬಾ ಬೆಳೆದುಬಿಟ್ಟಿದ್ದೇವೆಂದುಕೊಳ್ಳುತ್ತೇವೆ, ಹಾಗೆಯೇ ವೈಜ್ಞಾನಿಕವೆಂಬ ಹಣೆಪಟ್ಟಿಯೊಂದಿಗೆ ಬರುವ ಏನನ್ನೂ ನಂಬಿ ಅದರಿಂದಾಗುವ ಪರಿಣಾಮವನ್ನು ಲೆಕ್ಕಿಸದೆ ಮುನ್ನಡೆಯುವಷ್ಟು ವಿವೇಕಿಗಳಾಗಿದ್ದೇವೆ ಕೂಡಾ! ಅಂದು ಹಸಿರುಕ್ರಾಂತಿಯ ನೆಪದಲ್ಲಿ ನಮ್ಮಲ್ಲಿದ್ದ ಎಲ್ಲಾ ದೇಶೀಯ ತಳಿಯ ಸತ್ವಯುತ ಅನ್ನಾಹಾರದ ಬೆಳೆಗಳನ್ನೂ, ಜಾನುವಾರುಗಳನ್ನೂ ಲಾಭದ ಆಸೆಗೆ ಬಲಿಕೊಟ್ಟು, ನಮ್ಮ ನೆಲಕ್ಕೆ ರಾಸಾಯನಿಕ ಗೊಬ್ಬರಗಳನ್ನು ಕೀಟನಾಶಕಗಳನ್ನು ವಿಷಪ್ರಮಾಣದಲ್ಲಿ ಉಣಬಡಿಸಿ, ಅದರ ಎಲ್ಲಾ ಪರಿಣಾಮಗಳನ್ನೂ ಅನುಭವಿಸುತ್ತಾ ಎಲ್ಲಾ ಹೈಬ್ರೀಡ್ ತಳಿಗಳಂತೆ ನಾವೂ ಬೀಜರಹಿತ ಜನಾಂಗವಾಗಿ ಇದೀಗ ಕೃಷಿಯನ್ನೇ ಮರೆಯುವ ಹಂತಕ್ಕೆ ಬಂದು ನಿಂತಿದ್ದೇವೆ! ಇಂದಿಗೂ ಗ್ರಹಗತಿಯನ್ನು ಪ್ರಶ್ನಿಸುವ ನಾವು ಅಷ್ಟು ಕರಾರುವಕ್ಕಾಗಿ ಗ್ರಹಣವನ್ನೂ ಸೂರ್ಯೋದಯ ಸೂರ್ಯಾಸ್ತವನ್ನೂ ದೇಶ ಕಾಲಗಳಿಗೆ ತಕ್ಕಂತೆ ನಿರೂಪಿಸುವ ಅದೇ ಜ್ಯೋತಿಷದ ಪ್ರಶ್ನೆಗೆ ಕುರುಡರಾಗಿ ಹೋಗುತ್ತಿದ್ದೇವೆ. ಹಾಗಾದರೆ ಯಾವುದು ಸತ್ಯ? ನಮ್ಮ ಕಣ್ಣು, ಕಿವಿ, ಮೂಗು,ನಾಲಗೆ ಮತ್ತು ಚರ್ಮಗಳ ಅನುಭವಕ್ಕೆ ಬಂದವು ಮಾತ್ರವೆ? NASA ದಿಂದ ಧೃಡೀಕರಣಗೊಂಡ ಅಜ್ಜಿ ಕತೆಗಳೂ ಇದರ ಫರಿದಿಗೆ ಸೇರುತ್ತವೆ? ಮಾಧ್ಯಮಗಳಲ್ಲಿ ವೈಭವೀಕರಿಸಲ್ಪಟ್ಟ ಕುರುಡು ನಂಬಿಕೆಗಳೆ? ನಾವು ಇಂದು ಮತ್ತು ಇಂದಿನವರೆಗೆ ಸತ್ಯವೆಂದು ನಂಬಿರುವವೆಲ್ಲಾ ಶಾಶ್ವತ ಸತ್ಯಗಳೆ? ಈ ಸತ್ಯಕ್ಕೆ ಎಷ್ಟು ಮುಖ ಮತ್ತು ಅದು ಎಷ್ಟು ಸುಂದರವಾಗಿ ನಿರೂಪಿಸಲ್ಪಡಬಹುದಂತಾ